سٹی42: ہر طرف مہنگائی ہی مہنگائی، بیف اور مٹن کے بعد چکن بھی متوسط طبقے کی پہنچ سے دُور کردیا گیا، چکن کے ریٹ میں مزید 10 روپے کا اضافہ، قیمت 261 روپے کلو ہوگئی، فارمی انڈے بھی مہنگے، 191 روپے کے ایک درجن ہوگئے
برائلر مرغی کے گوشت کے ریٹ میں 10 روپے کا اضافہ دیکھنے میں آیا ہے، ریٹ 251 روپے کلو سے بڑھ کر 261 روپے کلو ہوگیا ہے۔ جبکہ زندہ برائلر مرغی کا ہول سیل ریٹ 172 روپے کلو اور پرچون ریٹ 180 روپے کلو مقررکیا گیا ہے۔ دوسری جانب فارمی انڈوں کا ریٹ191 روپے درجن مقرر کیا گیا ہے، انڈوں کی پیٹی 5 ہزار 610 روپے کی ہوگئی ہے۔