علی ساہی: لاہور سیالکوٹ موٹروے دھندکےباعث حدنگاہ کم ہونے کی وجہ سےبند کردی گئی۔

تفصیلات کے مطابق  پنجاب ہائی وے پٹرولنگ پولیس نےلاہور سیالکوٹ موٹروے08:05 بجے بند کر دی گئی ہے۔ لاہور سیالکوٹ موٹروے پر حد نگاہ 50 میٹر سے کم موٹروے مسافروں کی حفاظت کے لیے بند کی گئی ہے۔مسافر دھند میں لاہور سیالکوٹ موٹروے پر سفر سے پرہیز کریں۔ لاہور سیالکوٹ موٹروے پر سفر کرنے سے پہلے 1124 پر کال کر کے دھند کی صورت حال کا پتہ کر لیں۔

دوسری طرف  لاہور میں علی الصبح دھند اور طیاروں میں دیگر فنی خرابیوں کے باعث علامہ اقبال انٹرنیشل ائیرپورٹ پر فلائیٹ آپریشن متاثر، لاہور آنے اور جانے والی 11 پروازیں منسوخ، 10 تاخیر کا شکار رہیں۔    ائیرپورٹ فلائیٹ انکوائری کے مطابق ریاض سے آنے والی پرواز ایکس وائے 317 اور ریاض جانے والی پرواز ایکس وائے 318 کو منسوخ کر دیا گیا۔ نجف سے آنے والی پرواز آئی ایف 341، نجف جانے والی پرواز آئی ایف 342، دبئی جانے والی پرواز پی اے 416، دبئی سے آنے والی پرواز پی اے 417 اور شارجہ جانے والی پرواز پی اے 412 منسوخ کر دی گئی ہیں۔