جنید ریاض : سکول ٹیچرز آن لائن ٹرانسفرز،اب تک 20 ہزار سے زائد آن لائن درخواستیں موصول ہوگئی،مزید اساتذہ پانچ ستمبر تک درخواستیں جمع کرواسکیں گے۔
 صوبہ بھر میں اساتذہ کے آن لائن تبادلوں کی درخواستیں 19 اگست سے جمع کرنا شروع کی گئی تھی۔ اب تک 20 ہزار سے زائد اساتذہ کی آن لائن درخواستیں محکمہ کو موصول ہوچکی ہیں۔تیس اگست تک کُل 20 ہزار 350 اساتذہ نے تبادلوں کیلئے درخواست دی ہے۔اِن درخواستوں میں سب سے زیادہ درخواستیں سرگودھا میں 1232، راولپنڈی میں 1051، فیصل آباد میں 1048 آن لائن درخواستیں موصول ہوئیں۔اسی طرح ملتان میں 927، لاہور میں 820 اور سیالکوٹ میں 805 آن لائن درخواستیں اساتذہ کے مختلف کیڈرز کی جانب سے دی گئی ہیں ۔ آن لائن درخواستوں کی آخری تاریخ 5 ستمبر ہے۔