فرزانہ صدیق: اسلام آباد کے تھانہ ترنول کی حوالات میں بند ڈکیتی کے ملزم کی پراسرار موت کے متعلق پولیس کا مؤقف سامنے آ گیا۔
پولیس ذرائع نے دعویٰ کیا ہے کہ تھانہ ترنول میں قید ملزم چھت سے گر کر زخمی ہوا بعد ازاں دوران علاج دم توڑ گیا ۔ ملزم حوالات سے نکل کر چھت تک کیسے پہنچا ، چھت سے گرنے کی وجوہات کیا ہیں اس کے متعلق پولیس خاموش ہے تاہم پولیس کا کہنا ہے کہ تحقیقات شروع کر دی ہیں، حقائق سامنے آ جائیں گے۔ پولیس کا یہ کہنا ہے کہ ڈیکتی کے ملزم نے دوران تفتیش فرار ہونے کی کوشش کی اور چھت سے گرا ،
اس دوران پولیس نے لاش کو پوسٹ مارٹم کے لئے ہسپتال منتقل کر دیا ہے۔