سٹی 42 :کھیل کھیل میں ہی نو جوان لاکھوں میں کھیلنے لگے،دکان،بھٹو ں سے نکل سٹار بن گئے۔شوبز ستاروں،سیاستدانوں کی شہرت پر  اجارہ داری ختم کرکے اب  اپنے آپ کو سٹار بنا چکے ہیں۔

ٹک ٹاک نے کچھ ایسے باصلاحیت لوگوں کو شہرت کی بلندیوں پر پہنچا دیا ہے، جنہیں بصورت دیگر شاید کوئی چانس بھی نہ دیتا۔ شہرت پانے کے بعد یہ لوگ ٹک ٹاک پر مختلف برانڈز کی تشہیر کرکے کتنا پیسہ کما رہے ہیں؟ خود انہی لوگوں نے اس سوال کا ایسا جواب دے دیا ہے کہ سن کر یقین کرنامشکل ہو جائے۔ جہاں یہ پیسے کما رہے ہیں تو لائکس اور شیئرنگ حاصل کرنے کے چکر میں عجیب و غریب ویڈیوز بناتے ہیں ،کچھ تو تمام حدیں عبور کرتے ہوئے اخلاق سے گری ہوئی ویڈیوز بنانے سے بھی گریز نہیں کرتے۔حال ہی میں ایک ٹک ٹاکر نے نازیبا ویڈیو بنائی ۔ایسا کام کرنے پر اسے گرفتار کرلیا گیا ہے۔

انگریزی ویب سائٹ کے مطابق اس 20سالہ لڑکی کا نام حنین حوسم ہے۔ اس نے ٹک ٹاک پر کچھ ویڈیوز پوسٹ کیں جن میں وہ لڑکیوں کو پیسوں کے عوض ویڈیوز براڈکاسٹ کرنے کی ترغیب دے رہی ہوتی ہے اور اس حوالے سے ان کی حوصلہ افزائی کر رہی ہوتی ہے۔اس کی ان ویڈیوز کے سامنے آنے پر پولیس نے اسے حراست میں لے لیا۔ حنین ایک طالبہ ہے جس کے ٹک ٹاک پر 10لاکھ سے زائد فالوور ہیں۔ اسے حوالات میں رکھ کر تفتیش کی جا رہی ہے۔
 

حقوق نسواں کے مصری کارکن غدیر احمد کا کہنا ہے کہ حنین کے علاوہ معروف رقاصہ سما المصری کو بھی پولیس نے گرفتار کر لیا ہے اور اسے 15روز کے لیے جیل میں ڈال دیا گیا ہے۔ اس پر بھی سوشل میڈیا پر نازیبا تصاویر اور ویڈیوز پوسٹ کرنے کا الزام ہے۔

واضح رہے کہ 2018ءمیں مصری حکومت نے ایک سائبر کرائم لاءبنایا تھا جس کے تحت مصری حکومت کو انٹرنیٹ کو مکمل سنسر کرنے اور لوگوں کی نگرانی کرنے کا اختیار مل گیا ہے۔