ثمرہ فاطمہ : ٹال والی گلی مکہ پارک کی80 فٹ روڈ پر سہولیات کا فقدان ہے ۔ گلیاں ٹوٹ پھوٹ کا شکار ہیں اور سیوریج سسٹم خراب ہوچکا ہے ۔
علاقہ کی متعدد گلیاں ٹوٹ پھوٹ کا شکار ہیں ۔ گلیاں ناہموار ہونے سے علاقہ مکینوں کو گزرنے میں مشکلات کا سامنا کرنا پڑ رہا ہے ۔ علاقہ کا سیوریج سسٹم بھی ناکارہ ہو گیا ہے ۔علاقہ مکینوں کا کہنا ہے کہ حکمرانوں نے ووٹ لے کر علاقہ کا رخ نہیں کیا ۔ علاقے کی حالت بدتر سے بدتر ہوتی جا رہی ہے مگر کوئی بھی اس علاقے کی طرف توجہ کرنے اور شہریوں کے مسائل حل کرنے کے لیے تیار نہیں ہے ۔
شہریوں کا کہنا ہے کہ گلیوں میں سے گزرنا محال ہوچکا ہے ۔ پتھریلی گلیوں کی وجہ اکثر بزرگ ،خواتین اور بچے گر جاتے ہیں اور زخمی ہوجاتے ہیں ۔خواتین کا کہنا ہے کہ بچے اکثر چوٹ لگوا کر گھر آتے ہیں ۔ اور موٹر سائیکل سوار بھی ان گلیوں سے گزرتے ہوئے گر جاتے ہیں ۔