(سٹی 42) کوتوال شہر کی تقرری کا تنازع نویں روز میں داخل ہوگیا ، آٹھ دنوں میں پولیس بے بس ہوگئی، ہاؤس رابری کی وارداتوں میں 10 کروڑ سے زائد رقم لوٹ لی گئی ۔
پولیس ریکارڈ کے مطابق8 دن میں کروڑوں روپے کی وارداتیں ہوئیں، ایک کے بعد ایک واردات میں کروڑوں روپے لوٹ لئے گئے ، ہاؤس رابری کی چار وارداتوں میں دس کروڑ لوٹا گیا ، سٹریٹ کرائم اور چوری کی وارداتوں میں تین کروڑ سے زائد کا نقصان ہوا ۔
نواب ٹاؤن میں مشتاق بٹ کے گھر پونے 2 کروڑ کی ڈکیتی ہوئی ، ڈاکو 104 تولے سونا ، 27 لاکھ نقدی ، غیر ملکی کرنسی لوٹ کر فرار ہوئے، شاہدرہ ٹاؤن میں ڈھائی کروڑ روپے کی چوری ہوئی ، کوٹ لکھپت میں ایک گھر سے 2 کلو سونا لوٹ لیا گیا ، ڈیفنس کے گھر میں پونے 3 کروڑ روپے کی ڈکیتی ہوئی جبکہ غالب مارکیٹ میں صدارتی ایوارڈ یافتہ ڈاکٹر کے گھر بھی واردات رپورٹ ہوئی۔