عابد چودھری: گجو متہ کے علاقے میں گالیاں نکالنے پر شہری اور ٹریفک وارڈن میں جھگڑا، ٹریفک وارڈن عبدالرحمان نے شہری سے گالم گلوچ کی۔
کاہنہ کے علاقے گجومتہ میں فیروز پور روڑ پر ون وے کی خلاف ورزی پر ٹریفک وارڈن عبدالرحمان نے موٹرسائیکل سوار کو روکا، جس دوران گالم گلوچ کرنے پر شہری وارڈن کے ساتھ الجھ پڑا، شہری کی جانب سے وارڈن کو چالان کرنے کا کہا گیا مگر ٹریفک وارڈن شہری کے ساتھ گالم گلوچ کرتا رہا۔
ٹریفک وارڈن کی شہری سے بدتمیزی کی ویڈیو منظر عام پر آنے پرسی ٹی او لاہور منتظر مہدی نےایس پی ٹریفک آصف صدیق کو انکوائری کرنے کا حکم دے دیا۔سی ٹی او کا کہنا ہے کہ شہریوں کے ساتھ بدتمیزی و نارواسلوک کسی صورت برداشت نہیں۔