سعید احمد سعید: لوکو معاون کی قرعہ اندازی کے ذریعے بھرتی 30 ستمبرکو ڈویژنل سپرنٹنڈنٹ آفس ریلوے لاہور میں ہوگی، جنرل مینجر ویلفیئر شاہد عزیز اور ڈویژنل سپرنٹنڈنٹ ریلوے لاہورعامر نثار امیدواروں کی موجودگی میں قرعہ اندازی کریں گے۔
تفصیلات کے مطابق قرعہ اندازی کا تیسرا اور آخری مرحلے کا آغاز30 ستمبر کو ہو گا، ڈویژنل سپرنٹنڈنٹ آفس ریلوے لاہور کے کمیٹی روم میں 95 لوکومعاون کی بھرتی کے لیے قرعہ اندازی ہو گئی۔ ڈویژنل پرسانل آفیسر بشری رحمان کا کہنا تھا کہ لوکو معاون کیلئے تقریباً بارہ ہزار درخواستیں موصول ہوئیں، کوائف کے مطابق اہل امیدواروں کاسکل ٹیسٹ 23 سے 26 ستمبر کے دوران مکمل کیا گیا، سکل ٹیسٹ پاس کرنے والے 8 سو امیدواروں کے درمیان قرعہ اندازی ہوگی۔
ریلوے لاہور ڈویژن میں بھرتی برائے قرعہ اندازی کا یہ تیسرا مرحلہ ہے جبکہ دو سے 6 ستمبر اور 16 ستمبر کو مختلف کیٹیگریوں کی قرعہ اندازی کے ذریعے بھرتیاں کی جا چکی ہیں۔