(سٹی 42) شاد باغ میں بیوی نے شوہر کو زہریلی گولیاں کھلا کر موت کے گھاٹ اُتار دیا، پولیس نے ملزمہ کو گرفتار کرلیا۔

ذرائع کے مطابق شادباغ میں دو بچوں کی ماں پروین نے نیند کی گولیاں کھلا کر  48 سالہ خاوند عامر متین کو بیہوش کیا اور بعد میں مبینہ طور پر گلا دبا کر اسے قتل کر دیا، پولیس واقعے کی اطلاع ملنے کے بعد جائے وقوعہ پر پہنچ گئی اور نعش قبضہ میں لے کر پوسٹمارٹم کیلئے ہسپتال منتقل کردی، پولیس نے ملزمہ کو  بھی گرفتار کرلیا، پولیس کا کہنا ہےکہ ملزمہ نے اعتراف کرتے ہوئےکہاکہ اس نے گزشتہ روز خاوند کی چائے میں نیندکی گولیاں ملا دی تھیں،ملزمہ نے بتایا کہ اس کاخاوند آئے روز لڑائی جھگڑا کرتا تھا۔

دوسری جانب پولیس کا  یہ بھی کہنا ہے کہ ابتدائی تفتیش میں ملزمہ نے قتل کرنے کی وجہ گھریلو تنازع بتائی ہے، مگر اس حوالے سے مختلف پہلوئوں پر تحقیقات کی جا رہی ہیں، پوسٹمارٹم اور دیگر شواہد کی بنیاد پر مزید حقائق سامنے لائے جائیں گے۔