وائس چیئرمین واسا کا زیر تعمیر واسا ہیڈ آفس کا دورہ ، تعمیراتی کاموں کو بروقت مکمل کرنے کی ہدایت

 درنایاب: چوہدری شہباز احمد نے  نئے زیر تعمیر واسا ہیڈ آفس جوہر ٹاؤن کا دورہ کیا۔ وائس چیئرمین واسا نے تعمیراتی کاموں کو بروقت مکمل کرنے کی ہدایت کردی ۔
ڈائریکٹر پراجیکٹ ابوبکر عمران نے وائس چیئرمین واسا کو تفصیلی بریفنگ دی ۔ اس موقع پر چودھری شہباز احمد نے ہدایات دیتے ہوئے کہا کہ تعمیراتی معیار کو برقرار رکھا جائے اور تمام کام وقت مقررہ پر مکمل کیا جائے۔انہوں نے تاکید کی کہ منصوبے کے دوران حفاظتی اصولوں کا خاص خیال رکھا جائے اور ہر مرحلے پر نگرانی یقینی بنائی جائے۔وائس چیئرمین واسا نے متعلقہ حکام کو ہدایت کی کہ وسائل کا درست استعمال کیا جائے اور عوامی خدمت کے جذبے کے تحت منصوبے کو بہترین انداز میں مکمل کیا جائے۔وائس چیئرمین واسا نے تمام متعلقہ افسران کو ہدایت کی کہ کسی قسم کی رکاوٹ کے بغیر تعمیراتی عمل جاری رکھا جائے اور منصوبے کے دوران ماحولیاتی تحفظ کے اصولوں کو ترجیح دی جائے ۔