سٹی42:پنجاب پولیس صوبہ بھر میں مجرمان کی سرکوبی کیلئے مصروف عمل ہے ۔رواں سال میں جرائم کی سنگین وارداتوں میں ملوث 5610 گینگز کا خاتمہ کیا گیا
ترجمان پنجاب پولیس کے مطابق لاہور سمیت صوبہ بھر میں کریمنل گینگز کے 14 ہزار سے زائد مجرمان گرفتار کئے گئے،مجرمان سے 5 ارب 2 کروڑ روپے سے زائد مال مسروقہ برآمد کیا گیا، مال مسروقہ میں 1611 گاڑیاں، 24419 موٹر سائیکلیں، 2223 تولے سونا شامل ہے ۔ 10418موبائل فونز، 5251 مال مویشی برآمد کرکے مالکان کے حوالے کئے گئے، مختلف وارداتوں میں مطلوب مجرمان سے 5 ارب 48 کروڑ روپے سے زائد کیش برآمد کیا گیا،لاہورمیں 3133 گینگز کا خاتمہ کیا گیا اور 7195 ملزمان گرفتار  کیے گیے۔مجرمان سے 2 ارب 5 کروڑ 60 لاکھ روپے سے زائد مال مسروقہ برآمد کیا گیا۔