احمد منصور : رشین فیڈریشن کے نائب وزیر دفاع کی ایئر ہیڈکوارٹرز میں سربراہ پاک فضائیہ ایئر چیف مارشل ظہیر احمد بابر سدھو سے ملاقات ہوئی ۔
ملاقات میں فوجی تعاون و صنعتی اشتراک کے فروغ سے متعلق امور پر بات چیت ہوئی ، اس کے علاوہ مشترکہ فوجی مشقوں اور پاک فضائیہ کے آلات کی ٹیکنیکل سپورٹ کے ذریعے موجودہ روابط بڑھانے کی نئی راہیں تلاش کرنے پر بات چیت ہوئی ۔
ائیر چیف نے روس کے ساتھ فوجی تعلقات کو مضبوط بنانے پر زور دیا، انہوں نے تربیتی پروگراموں اور مشترکہ فوجی مشقوں پر بھی زور دیا ۔ کرنل جنرل الیگزینڈر وی فومن نے موجودہ قیادت میں پاک فضائیہ میں حالیہ متاثر کن پیشرفت کو سراہا، روس کے نائب وزیر دفاع نے ملٹری ٹو ملٹری تعاون اور پاک فضاییہ کیلئے تکنیکی معاونت کیلئے تعاون کا عزم کیا ۔