قیصرکھوکھر : حکومت پنجاب نے چھ یونیورسٹیز کے وی سیز کی تعیناتی کا نوٹیفکیشن جاری کردیا ،پروفیسر ڈاکٹر عظمیٰ قریشی کو وائس چانسلر لاہور کالج برائے خواتین یونیورسٹی لگا دیاگیا۔
 محکمہ ہائیر ایجوکیشن نے صوبے کی 6 یونیورسٹیز میں وائس چانسلرز کا تقرر کر دیا ہے۔پروفیسر ڈاکٹر عظمیٰ قریشی کو وائس چانسلر لاہور کالج برائے خواتین یونیورسٹی لگا دیاگیا،پروفیسر ڈاکٹر شازیہ بشیر کو وائس چانسلر گورنمنٹ کالج وومن یونیورسٹی سیالکوٹ ،پروفیسر ڈاکٹر بشریٰ مرزا کو وی سی فاطمہ جناح وومن یونیورسٹی راولپنڈی لگا دیا گیاہے۔ اسی طرح پروفیسر ڈاکٹر کنول امین وائس چانسلر گورنمنٹ کالج وومن یونیورسٹی فیصل آباد تعینات کی گئی ہیں۔ پروفیسر ڈاکٹر روف اعظم کو وی سی گورنمنٹ کالج یونیورسٹی فیصل آباد تعینات کیاگیا ہے جبکہ پروفیسر ڈاکٹر شازیہ انجم کو وائس چانسلر گورنمنٹ صادق کالج وومن یونیورسٹی بہاولپور لگا دیاگیا ہے۔ محکمہ ہائیر ایجوکیشن نے وائس چانسلر کی تعیناتی کا نوٹی فکیشن جاری کردیا ہے۔