ویب ڈیسک: پاکستانی ڈراما انڈسٹری کی اداکارہ علیزے شاہ سوشل میڈیا پر خبروں کی زینت بنی ہوئی ہیں، اداکارہ نے اپنی کچھ نئی تصاویر اپلوڈکیں جس پر سوشل میڈیا صارفین کے دماغ کا میٹر گھوم گیا،گزشتہ کئی دنوں سے علیزے شاہ اپنے بولڈ لباس اور مبہم پیغامات کے سبب موضوع بحث بنی ہوئیں ہیں۔
تفصیلات کے مطابق ڈراما سیریل ’عشق تماشا’ سے شوبز کی دنیا میں قدم رکھنے والی علیزے شاہ نے جہاں کیرئیر کے ابتدائی دنوں میں خاصی مقبولیت حاصل کی وہیں دیکھتے ہی دیکھتے انہوں نے شہرت حاصل کرنے کے جنون میں خود کو ایسا بدلا کہ مداحوں کی اسی محبت کو شدید نفرت میں تبدیل کردیا۔
علیزے شاہ ہر گزرتے دن اپنے انسٹاگرام اکاؤنٹ پر تہلکہ خیز پوسٹ کرکے سوشل میڈیا پر طوفان برپا کیے ہوئے ہے،گزشتہ روز حال اداکارہ نے فوٹو اینڈ ویڈیو شیئرنگ ایپ انسٹاگرام پر پوسٹ شیئر کی جس میں انکا بولڈ لباس موضوع بحث بننے کے ساتھ مزکز نگاہ بن گیا۔
تصاویر میں علیزے شاہ کو سیاہ اور سفید دھاری والے لباس میں ملبوس دیکھا گیا جسکے ساتھ کیپشن میں انہوں نے ذومعنی پیغام کچھ اسطرح لکھا کہ’مجھ سے نفرت کرنے سے تمہیں محبت نہیں ملے گی۔
جبکہ دوسری پوسٹ میں علیزے شاہ سفید سوئٹر اور لانگ بوٹ پہنے کیمرے کے سامنے پوز دے رہی ہیں،اس پوسٹ کے کیپشن میں لکھا کہ،’میں بھولنے والوں میں سے نہیں ہوں۔‘
دوسری جانب اداکارہ کے ہر گزرتے دن مختصر سے مختصر ترین ہوتے لباس اور مبہم پیغامات سوشل میڈیا صارفین کو کچھ ہضم نہیں ہورہے۔