اسرار خان:ایل ڈی اے گول چکر کے قریب نجی یونیورسٹی کی بس کی ٹکر سے موٹر سائیکل سوار نوجوان جاں بحق ہو گیا ۔ پولیس نے لاش تحویل میں لے کر تحقیقات شروع کر دی ۔
پولیس کے مطابق حادثہ ایل ڈی اے گول چکر کے قریب پیش آیا، جہاں نجی یونیورسٹی کی تیز رفتار بس نے بے قابو ہو کر موٹر سائیکل سوار کو ٹکر دے ماری ۔ حادثے کے نتیجے میں موٹر سائیکل سوار نوجوان موقع پر دم توڑ گیا، جس کی سر دست شناخت نہ ہو سکی ۔
پولیس کا کہنا ہے کہ بس ڈرائیور موقع سے فرار ہو گیا، بس قبضے میں لے کرڈرائیورکی تلاش شروع کر دی گئی ، متوفی کی لاش مردہ خانے منتقل کر کے شناخت سمیت دیگر پہلوؤں پر تحقیقات کی جا رہی ہیں ۔