"بانی کی کوئی شکایت آئی تو پاکستان بند کر دیں گے"

سٹی42: وزیراعلیٰ خیبرپختونخوا علی امین گنڈاپور نے اپنی نئی فلمی دھمکی میں پنجاب، سندھ، بلوچستان اور آزاد کشمیر کے ساتھ گلگت بلتستان سمیت پورا پاکستان بند کرنے کا ارادہ ظاہر کیا ہے۔ 

علی امین گنڈاپور نے اپنے ایک ویڈیو کلپ کی شکل میں سامنے آنے والے کہا،  میں وفاقی اور پنجاب حکومت کو وارننگ دیتا ہوں کہ تحریک انصاف کے بانی کی کوئی شکایت آئی تو ہم پورے پاکستان کو بند کر دیں گے،ہم حکومت کے دن گن رہے ہیں،بہت جلد پورے پاکستان کو بند کرکے "جعلی حکومت" سے چھٹکارا حاصل کریں گے۔

 خیبرپختونخوا  کے وزیر اعلیٰ کے منصب پر فائض علی امین گنڈاپور نے دعویٰ کیا کہ، "اس حکومت نے ہماری مینڈیٹ چوری کی ہے اس کو واپس لیں گے،" گنڈاپور نے مزید کہا، "حکومت ہمیں مجبور کر رہی ہیں کہ ہم پر امن نہ رہے،", امین گنڈاپور نے اپنی تقریر کا رخ اپنی پارٹی کے اختلاف کی جرات کرنے والے ارکان کی طرف پھیرتے ہوئے کہا، "ہماری جماعت میں جس نے بانی تحریک انصاف سے غداری کی ہے ایسے لوگوں کی ہماری جماعت میں کوئی گنجائش نہیں۔"