( زاہد چوہدری ) سابق وزیراعظم میاں نواز شریف کی صحت بیرون ملک سفر میں سب سے بڑی رکاوٹ، 28 ہزار پلیٹ لیٹس پر ہوائی سفر خطرناک ہوسکتا ہے، پلیٹ لیٹس 50 ہزار سے زائد ہونے پر ڈاکٹرز طویل ہوائی سفر کی ایڈوائس دینے کا فیصلہ کرسکتے ہیں۔
میاں نواز شریف کی صحت تشویشناک ہونے کے باعث ان کو علاج کیلئے بیرون ملک لے جانا بهی فی الحال خطرے سے خالی نہیں۔ انتہائی باوثوق ذرائع کے مطابق میاں نواز شریف کے معالجین ان کی صحت کے موجودہ حالات کے پیش نظر ان کو بیرون ملک سفر کی اجازت نہیں دے سکتے۔ میاں نواز شریف کے پلیٹ لیٹس 28 ہزار ہیں جو بدستور خطرناک حد میں ہیں جس کے باعث وہ طویل ہوائی سفر نہیں کر سکتے۔
ذرائع کے مطابق میاں نواز شریف کے پلیٹ لیٹس کی تعداد 50 ہزار سے زائد ہونے پر انہیں علاج کیلئے بیرون ملک جانے کی ڈاکٹرز اجازت دے سکتے ہیں۔