موسم کے حوالے سے محکمہ موسمیات کی پیشگوئی

سٹی 42 : محکمہ موسمیات نے کہا ہے کہ خیبر پختونخوا، بلوچستان ، کشمیر ، گلگت بلتستان میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے، اسلام آباد، مری ،گلیات اورخطہ پوٹھوہارمیں مطلع ابر آلود اور گرج چمک کے ساتھ چند مقامات پر ہلکی بارش کی توقع ہے، جبکہ ملک کے دیگر علاقوں میں موسم سرد اور خشک رہنے کا امکان ہے، پنجاب کے چند میدانی علاقوں میں سموگ / دُھند چھائےرہنے کی توقع ہے ۔

ہفتہ کے روز موسم کی صورتحال محکمہ موسمیات کا کہنا ہے کہ اسلام آباد اور گردونواح میں موسم سرد اور خشک رہنے کی توقع ہے ۔ خٰیبر پختونخوا کے بیشتر اضلاع میں موسم سرد اور خشک رہنے کا امکان ہے، تاہم بالائی اضلاع میں مطلع جزوی ابر آلود رہنے کے علاوہ چترال، دیر، سوات، مالاکنڈ، مانسہرہ، ایبٹ آباد، کوہستان،پشاور،مردان ،نوشہرہ ،کرم، مہمند، خیبر،اورکزئی ،ہنگو اور کوہاٹ میں چند مقامات پر تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے ۔ 

محکمہ موسمیات کے مطابق پنجاب کے بیشتر اضلاع میں موسم سرد اورخشک رہنے کا امکان ہے، صبح اور رات کے اوقات میں سیالکوٹ، نارووال، گوجرانوالہ،گجرات، لاہور، شیخوپورہ، قصور، اوکاڑہ، حافظ آباد، جھنگ، فیصل آباد، بہاولپور، ملتان، ساہیوال، خانیوال، رحیم یار خان اور گردونواح میں سموگ/ دُ ھند چھا ئےرہنے کی توقع ہے ۔ 

محکمہ موسمیات کا کہنا ہے کہ بلوچستان کے بیشتر بالائی اضلاع میں مطلع جزوی ابر آلود رہنے کے علاوہ زیارت، پشین، ژوب، شیرانی، موسیٰ خیل، بارکھان اورخضدار میں چند مقامات پر تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے ۔ سندھ کے بیشتر اضلاع میں موسم خشک رہنے کا امکان۔ صبح/رات کے اوقات میں کشمور،سکھر، جیکب آباد، ٹنڈو جام اور گردونواح میں سموگ/ دُ ھند چھا ئےرہنے کی توقع ہے۔اس کے علاوہ کشمیر اور  گلگت بلتستان میں چند مقامات پر مطلع ابر آلود رہنے کے علاوہ تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے ۔