راؤ دلشاد: رواں سال بابا گرو نانک کے 555ویں جنم دن پر پاکستان میں سکھ یاتریوں کی ریکارڈ تعداد نے شرکت کی۔

 یکم اکتوبر سے 29 نومبر تک 60 ہزار سے زائد سکھ یاتری پاکستان آئے جنہوں نے مختلف شہروں میں مذہبی رسومات ادا کیں۔ امریکا، کینیڈا، برطانیہ، یورپ، آسٹریلیا اور دیگر ممالک سے 13 ہزار سے زائد سکھ یاتری پاکستان پہنچے۔ بھارت کے مختلف شہروں سے بھی 2 ہزار 559 یاتری پاکستان آئے۔ سکھ یاتریوں نے لاہور کے ڈیرہ صاحب، ننکانہ صاحب اور پنجا صاحب حسن ابدال میں مذہبی رسومات ادا کیں۔ لاہور اور دیگر شہروں میں بڑی تعداد میں سکھ یاتری گلی کوچوں میں گھومتے نظر آئے۔