راودلشاد: وزیراعلیٰ مریم نواز شریف کا فلسطین سے اظہار یکجہتی کے عالمی دن پر پیغام، کہا کہ ظلم و زیادتی کے شکار فلسطینی بھائیوں سے یکجہتی کا اظہار کرتے ہیں۔
وزیراعلیٰ پنجاب مریم نواز کا کہناتھا کہ عالمی برداری کو نہتے فلسطینیوں، بچوں اور خواتین کے قتل عام پر جاگنا ہو گا،فلسطینی عوام کی قربانیوں کو خراجِ تحسین پیش کرتے ہیں،پاکستان کا ہر شہری فلسطینیوں کے دکھ درد میں برابر کا شریک ہے۔
پاکستان ہمیشہ سے فلسطینی عوام کے حقِ خودارادیت کا حامی رہا ہے، رہے گا،پاکستان کی فلسطین پر پالیسی قائداعظم محمد علی جناح کے اصولی مؤقف کی عکاس ہے،پاکستانی ہمیشہ فلسطینیوں کے شانہ بشانہ کھڑے رہیں گے۔
فلسطینیوں کی جدوجہد ایک دن ضروررنگ لائے گی اور آزادی کی نعمت سے سرفراز ہوں گے،دعا ہے اللہ تعالیٰ فلسطینی عوام کو غاصب اسرائیل کے ظلم و بربریت سے نجات عطا فرمائے۔