ارشاد قریشی : پاکستان مسلم لیگ ن کے رہنما حنیف عباسی کا کہنا ہے کہ سوشل میڈیا پر فیورٹ لانچ ہونے سے بہتر ہے عوام کے دلوں میں فیورٹ ہوں، شیخ صاحب تو پہلے ہی ادکاروں میں بہت فیورٹ ہیں ۔
تفصیلات کے مطابق شیخ رشید کی جانب سے عمران خان کو جیل میں پیغام پہنچانے پر حنیف عباسی نے رد عمل دیتے ہوئے کہا کہ شیخ رشید 74 سال کی عمر میں اب اللہ اللہ کریں سچ بولنے کی کوشش کریں، شیخ صاحب نے تو اپنی والدہ کے جنازے پر بھی جھوٹ بول رکھا ہے، شیخ صاحب کہتے ہیں کہ وہ اپنی والدہ کے جنازے میں شریک نہ ہو سکے تھے جبکہ اسکی کئی تصاویر موجود ہیں۔ شیخ رشید نے مجھ پر قتل، منشیات کے مقدمات بنائے میں نے مقابلہ کیا۔ شیخ صاحب تگڑے ہوجائیں، ابھی تو پارٹی شروع ہوئی ہے۔
انہوں نے مزید کہاکہ اگلے الیکشن میں 2008 والا رزلٹ نکلے گا۔ عمران خان کے وکیل شیر افضل مروت نے شیخ رشید کے عمران خان کو جیل میں پیغام پہنچانے کی تصدیق کر رکھی ہے۔