(کومل اسلم)فضائی آلودگی کے بادلوں سے شہر دھندلا گیا،آلودہ ترین فضا نے شہریوں کا سانس لینا محال کردیا۔
شہر میں فضائی آلودگی کی مجموعی شرح 421 ریکارڈ کی گئی۔محکمہ موسمیات نے بادلوں کے برسنے کی نوید سنا دی،محکمہ موسمیات کے مطابق جمعرات کے روز شہر میں بارش کا برسنے کاامکان ہے۔
شہر کا موسم سرد اور خشک، درجہ حرارت 18 ڈگری سینٹی گریڈ ریکارڈ کیا گیا۔
فضائی آلودگی ان دنوں ایک عالمی مسئلہ ہے۔ یہ نہ صرف ہمارے ماحول کو متاثر کرتا ہے بلکہ ہماری صحت پر بھی بہت سے منفی اثرات مرتب کرتا ہے، گنجان آبادی والے شہروں میں فضائی آلودگی کثرت سے دیکھی جاتی ہے۔
فضائی آلودگی کے انسانی صحت پر کیا اثرات ہوتے ہیں؟
فضائی آلودگی آپ کی صحت کو متعدد طریقوں سے متاثر کر سکتی ہے۔ فضائی آلودگی کا بنیادی اثر پھیپھڑوں ہوتا ہے۔
فضائی آلودگی کے قلیل مدتی اثرات میں کھانسی، چھینکیں، آنکھوں، ناک، جلد کی جلن وغیرہ شامل ہیں۔ ہوا میں اگر کئی سالوں تک فضائی آلودگی کا سامنا کرنا پڑتا ہے، تو اس سے سانس کی دائمی بیماریوں جیسے ایمفیسیما، دائمی رکاوٹ پلمونری بیماری، دمہ وغیرہ کا خطرہ بڑھ سکتا ہے۔ تمباکو نوشی پھیپھڑوں کی مجموعی کارکردگی بھی متاثر کرتی ہے ۔