ریگولر انڈر گریجوایٹ ایڈمیشن کی تیسری میرٹ لسٹ جاری

سٹی42: پنجاب یونیورسٹی میں ریگولر انڈر گریجوایٹ ایڈمیشن کی تیسری میرٹ لسٹ جاری، مختلف ڈیپارٹمنٹس میں میرٹ زیادہ سے زیادہ 87 فیصد اور کم سے کم 80 فیصد رہا۔
 پنجاب یونیورسٹی میں ریگولر انڈر گریجویٹ ایڈمیشن کی تیسری میرٹ لسٹ کے ساتھ سلف سپورٹنگ پروگرام کی بھی پہلی لسٹ جاری کی گئی ہے۔تیسری میرٹ لسٹ بی ایس آرنرز،بی ایڈ، بی بی آئی ٹی اور بی ایس پانچویں سمسٹر سمیت دیگر دیپارٹمنٹس میں مارننگ پروگرام کیلئے جاری کی گئی ہے،یونیورسٹی کے مختلف ڈیپارٹمنٹس میں دوسری میرٹ لسٹ میں میرٹ زیادہ سے زیادہ 97 فیصد اور کم سے کم 90 فیصد رہا تھا۔سیلف سپورٹنگ پروگرام کی دوسری میرٹ لسٹ 6 دسمبر کو جاری کی جائے گی۔