سٹی42: چیچہ وطنی کی اوکانوالا روڈ پر ڈکیتی کی بڑی واردات، دو ڈاکوؤں نے گن پوائینٹ پر موبائل شاپ لوٹ لی۔
تفصیلات کے مطابق چیچہ وطنی میں ڈاکوؤں نے موبائل شاپ کیساتھ دوکان میں موجود کسٹمرز کو بھی لوٹ لیا۔ ڈاکوؤ ں نے دن دیہاڑے دوکان پر لوٹ مار کرتے ہوئے لاکھوں روپے لے کر فرار ہوگئے۔ڈاکوؤ دوکان لوٹنے کے بعد موٹر سائیکل پر سوار ہو کر جارہے تھے کہ شہریوں نے پولیس کی گاڑی کو دیکھ کر شور واویلہ کیا لیکن پولیس گشت پر مامور ملازمین نے شہریوں کی آواز سن کر بھی کوئی ایکشن نہ کیا۔پولیس ڈاکوؤں کا پیچھا کرنے کی بجائے دوسری طرف چلے گئے۔
دوسری جانب شہریوں نے پولیس کی بے حسی پر دکھ کا اظہار کیا اور اعلی حکام سے پولیس گشت پر مامور ملازمین کے خلاف کارروائی کا مطالبہ کیا۔