(سٹی 42) شائقین کرکٹ کیلئے بڑی خبر، ایشیا کپ2020 کی میزبانی پاکستان کو مل گئی، ایشیا کپ ٹی ٹونٹی فارمیٹ پر ہوگا۔
سنگاپور میں ہونے والے ایشین کرکٹ کونسل کے اجلاس میں پاکستان کو ایونٹ کی میزبانی دینے کا فیصلہ کیا گیا، اجلاس میں اس بات پر بھی غور کیا گیا کہ اگر پاکستان اور بھارت کے سیاسی حالات بہتر نہ ہوئے تو ٹورنامنٹ کسی دوسرے مقام پر منتقل کردیا جائے گا۔
ایشین کرکٹ کونسل اجلاس کی سائیڈ لائن پر پی سی بی اور سری لنکن کرکٹ حکام کی ملاقات ہوئی، ترجمان پی سی بی کا کہنا تھا کہ سری لنکا کو کراچی اور لاہور میں میچز کھیلنے کی پیشکش کی ہے، آسٹریلیا میں ٹی 20 ورلڈ کپ اکتوبر میں ہوگا جبکہ پاکستان یہ ٹورنامنٹ ستمبر میں کرائے گا۔