ویب ڈیسک: امریکا سے تعلق رکھنے والی جسمانی طور پر ایک دوسرے سے جڑی لیکن الگ سر والی جڑواں بہنیں رشتہ ازدواج میں منسلک ہوگئیں۔
غیر ملکی خبر رساں ادارے کی رپورٹ کے مطابق امریکی ریاست منیسوٹا میں 1990 میں پیدا ہونے والی34 سالہ ایبی گیل اور برٹنی ہینسل نے امریکا کے سینئر فوجی افسر جوش بولنگ سے شادی کی ہے۔
رپورٹس کے مطابق جوش بولنگ کی یہ دوسری شادی ہے اور وہ ایک بچی کے باپ بھی ہیں جب کہ ایبی اور برٹنی اسکول ٹیچر ہیں۔
ان بہنوں کی شادی 2021 میں ہوئی تھی تاہم یہ بات میڈیا پر اب سامنے آئی ہے کیونکہ انہوں نے حال ہی میں شادی کا اعتراف کیا، ان بہنوں میں سے ہر ایک کا سر اور دل الگ ہے لیکن ان کے جسم جڑے ہوئے ہیں، ایک کی ٹانگیں اور دوسری کے بازو ہیں۔
ڈیلی میل کی رپورٹ کے مطابق ایبی اور بٹنی کے والدین سے بچیوں کی پیدائش کے بعد کہا گیا کہ یہ شاید یہ ایک رات بھی مزید زندہ نہیں رہ سکیں گے لیکن اب 34 سال سے دونوں عام زندگی گزار رہی ہیں۔
ڈاکٹرز کا بتانا تھا کہ ہر 40 ہزار جڑواں بچوں میں سے صرف ایک فیصد بچے ایک سال کی عمر تک زندہ رہتے ہیں۔
یہ دونوں بہنیں اگست 2021 میں ایک شو ’ایبی اینڈ برٹنی‘ بھی کیا کرتی تھیں جو کہ امریکا میں کافی مقبول ہوا، اس میں دونوں اپنی زندگی کے بارے میں بتاتیں اور یہ بھی بتاتیں کہ انہیں کس قسم کی مشکلات کا سامنا کرنا پڑ رہا ہے۔
اس حوالے سے برٹنی کا کہنا ہے کہ ہم دو بہت مختلف افراد ہیں، دونوں کے پاس ڈرائیونگ لائسنس بھی ہے اور تعلیم بھی حاصل کرچکی ہیں۔