بھارت کی ٹینس کوئن اور سدا بہار سلیبریٹی ثانیہ مرزا کے بھی سیاست کے سمندر میں کودنے کی خبریں زور پکڑ گئیں۔
کہا جا رہا ہے کہ ثانیہ مرزا کانگرس پارٹی میں باقاعدہ شامل ہو کر لوک سبھا کا الیکشن لڑنے پر سنجیدگی سے غور کر کے فیصلہ تک پہنچ چکی ہیں۔ کانگرس پارٹی انہیں ان کے شہر حیدر آباد میں لوک سبھا کے الیکشن کے لئے سیاست کی کورٹ مین اتارنا چاہتی ہے۔ کانگرس کے سٹریٹیجسٹوں کو یقین ہے کہ ثانیہ مرزا پارٹی کی ملک گیر مہم کے لئے بہت بڑا انرجائزر ثابت ہوں گی۔ حیدرآباد ہی نہیں انڈیا بھر میں نوجوان خصوصاً لڑکیاں ثانیہ مرزا سے بہت زیادہ متاثر ہیں۔ انہیں نئی نسل کے لئے سب سے بڑی انسپیریشن سمجھا جاتا ہے۔ ثانیہ مرزا کے پبلک امیج میں ان کی ٹینس میں مستقل مزاجی کے ساتھ جدوجہد کے ساتھ ان کی ہمیشہ اعلی اخلاقی سطح پر رہنے اور کبھی اصولوں پر سمجھوتہ نہ کرنے کی طویل تاریخ کا عمل دخل ہے۔
اغر ثانیہ مرزا کانگرس کی ٹکٹ پر لوک سبھا الیکشن لڑنے کے لئے سیاست کے سمندر مین کود پڑیں تو یہ فیصلہ ان کی زندگی میں گیم چینجر ثابت ہو سکتا ہے۔جبکہ کانگرس کے لئے یہ یقیناً لاٹری لگنےجیسا ہو گا۔