سٹی 42: شاہ عالم باڑہ مارکیٹ 2گروپوں میں فائرنگ، فائرنگ کے باعث3 افراد جاں بحق اور3 زخمی ہوگئے۔
شاہ عالم باڑہ مارکیٹ 2 گروپوں میں فائرنگ کا معاملہ، میو ہسپتال میں تین افراد کی لاشیں اور تین زخمی پہنچائے گئے۔ ذرائع کا کہنا ہے کہ زخمیوں کی حالت خطرے سے باہر ہے۔ پولیس کو دو گروپوں کی آپسی لڑائی میں فائرنگ کی اطلاع ملی تھی۔ شاہ عالم فائرنگ سے جاں بحق ہونے والوں میں چودھری زبیر ،محمّد بوٹا اور عاطف شامل زخمی طاہر،عمران اور عرفان کو طبی امداد کے لئے میو ہسپتال منتقل کر دیا گیا۔
شاہ عالم مارکیٹ میں فائرنگ کا معاملہ فائرنگ کے باعث بھگڈر کی فوٹیج بھی منظر عام پر آگئی، فوٹیج میں زخمیوں کو سڑک پر پڑے دیکھا جا سکتا ہے فائرنگ کے بعد زخمیوں کو رکشے پر ہسپتال لایا گیا فائرنگ کے بعد شہریوں کو بھی موقع سے بھاگتے دیکھا جا سکتا ہے۔ شہری خوف کے مارے ادھر سے ادھر بھاگ رہے ہیں،فوٹیج میں شدید فائرنگ کی آوازیں بھی سنی جا سکتی ہیں، فائرنگ زبیر اور عاطف نامی گروہوں کے مابین ہوئی گاہک خوف کے مارے ادھر سے ادھر بھاگ رہے ہیں۔
سی سی پی او لاہور غلام محمود ڈوگر کا شاہ عالم مارکیٹ کے واقعہ پر نوٹس، سی سی پی او لاہور نے ایس پی سٹی حسن جہانگیر سے رپورٹ طلب کر لی، سی سی پی او لاہور نے ملزمان کی گرفتاری کا حکم دے دیا۔
دوسری جانب وزیراعلیٰ پنجاب سردار عثمان بزدار نے بھی شاہ عالم مارکیٹ میں فائرنگ کے واقعہ کا نوٹس لیتے ہوئے سی سی پی او لاہور سے رپورٹ طلب کرلی، فائرنگ کے واقعہ میں ملو ث ملزمان کی فوری گرفتاری کا حکم دے دیا اور ملزمان کو قانو ن کی گرفت میں لاکرمزید کارروائی کرنے ہدایت جاری کردی ۔