اسرار خان : لاہور کے علاقے کوٹ لکھپت میں چند رائے روڈ پر شارٹ سرکٹ کے باعث گھر میں آگ بھڑک اٹھی ۔
ریسکیو حکام کے مطابق شارٹ سرکٹ کے باعث کرنٹ لگنے سے گھر میں موجود 6 بچے بھی جھلس گئے۔ متاثرین میں 14 سالہ اعجاز، 10 سالہ ایان، 10 سالہ عبد الرحمان، 14 سالہ منیر، 13 سالہ امجد 13 اور 14 سالہ عمر شامل ہیں۔
ریسکیو حکام کا کہنا ہے کہ تمام متاثرین کو طبی امداد کے لئے جنرل ہسپتال منتقل کر دیا گیا، حالت تسلی بخش ہے۔ دوسری جانب گھر کے کمرے میں لگنے والی آگ پر قابو پا لیا گیا، سامان بھی جزوی متاثر ہوا۔