سٹی42: وزیراعلیٰ مریم نواز کی کی بجٹ اجلاس میں تقریر کے دوران ہنگامہ آرائی کے دوران ہنگامہ آرائی کرنے والے ارکان کی رکنیت سپیکر ملک احمد خان نے معطل کر دی۔
ایوان کا تقدس پامال کرنے پر سنی اتحاد کونسل کے 11 ارکان کی رکنیت معطل کرنے کا نوٹیفیکیشن جمعہ کے روز جاری کیا گیا۔
سپیکر ملک احمد خان نے صوبائی اسمبلی کے بجٹ اجلاس کے دوران وزیر اعلیٰ مریم نواز کی تقریر کے وقت ہنگامہ آرائی کرنے میں ملوث پی ٹی آئی /سنی اتحاد کونسل کے 11 ارکان کی رکنیت 15 روز کےلیے معطل کردی ۔ یہ ارکان اسمبلی کی کسی کارروائی میں شریک نہیں ہو سکتے۔
معطل ہونے والے ارکان اسمبلی میں پی پی 76 سے ذوالفقار علی، پی پی 176 شہباز احمد ،پی پی 133محمد آصف ،پی پی 141 طیب رشید ،پی پی 155 شیخ امتیاز محمود، پی پی 157 حافظ فرحت عباس، پی پی 258 اعجاز شفیع ،پی پی 276 رانا اورنگزیب، پی پی 281 شعیب امیر،پی پی 282 اسامہ گجر ، پی پی 18 اسد عباس شامل ہیں۔