(ما نیٹر نگ ڈیسک) سو شل میڈیا کے ذریعے اپنی پہچان بنانے والی  متنازعہ ٹک ٹاک سٹار حریم شاہ کی شادی کی بارے خبریں زیر گردش ہیں، گزشتہ دنوں حریم کی جانب سے ایک تصویر شیئر کی گئی تھی جس کے بارے حقائق کھل کرسامنے آگئے۔

تفصیلات کے مطابق ٹک ٹاکر حریم شاہ ایک مرتبہ پھر خبروں میں ہیں، پہلے انہوں نے سوشل میڈیا پر اپنی شادی کے حوالے سے مبہم پوسٹ شیئر کی، انہوں نے اپنے ہاتھوں اور کسی مرد کے ہاتھوں کی تصویر لگائی مگر کچھ ہی دیر بعد انہوں نے یہ تصویر ڈیلیٹ بھی کردی،حریم شاہ کی جانب سے انسٹاگرام پر کچھ دیر کیلئے شیئر کی گئی مردانہ ہاتھ کی تصویرسے متعلق اہم انکشاف ہو ا ہے۔

مزید پڑھئے: حریم شاہ کا اپنی شادی سے متعلق نیا بیان سامنے آگیا

کاروباری شخصیت ا حسن اقبال دعویٰ کرتے ہیں کہ حریم شاہ کی جانب سے شیئر کی گئی تصویر میں موجود ہاتھ ان کا ہے، اور تصویر بھی انہی کی ہے،ان کے ہاتھ پر رکھا ہاتھ حریم شاہ کا نہیں بلکہ ان کی ایک امریکی دوست کا ہے،لیکن یہ نہیں پتا کہ حریم شاہ نے ان کی تصویر استعمال کیوں کی؟اس  حوالے سے سوشل میڈیا پر کافی چہ مگوئیاں ہوئیں، اور اس کے ایک روز بعد ہی انہوں نے پی پی لیڈر سے شادی کا دعویٰ بھی کیا۔

واضح رہے کہ گزشتہ روزحریم شاہ نے اپنی شادی کا اعلان کیا تھا، ٹک ٹاک سٹار کا کہناتھا کہ الحمد للّٰہ میری شادی ہوگئی ہے، میرے شوہر پیپلز پارٹی کے رکن سندھ اسمبلی اور جانی مانی شخصیت ہیں، میرے شوہر نے اپنی بیوی کو قائل کرنا ہے، جب وہ انہیں کنوینس کرلیں گے تو میں بتادوں گی،میرے شوہر ابھی کراچی میں ہی مقیم ہیں۔

حریم شاہ کا کہناتھا کہ میرے شوہر کا تعلق سندھ سے  ہے اور وہ اس وقت وزیر بھی ہیں،میرا نکاح کراچی میں ہوا ہے، اپنےشوہر کی اجازت سے ان کی تصویر شائع کروں گی۔