عرفان ملک: خاتون بینک مینجر کیساتھ ڈکیتی کی واردات ہوگئی ۔ محلے داروں نے ڈاکووں پر چھتوں سے اینٹیں برسادیں۔ ڈاکو ہوائی فائرنگ کرتے ہوئے فرار ہو گئے ۔
سمن آباد میں بینک مینجر مسز ڈاکٹر آصف حسین کیساتھ ڈکیتی کی واردات ہوئی۔ڈاکو گھر کی دہلیز پر لوٹ کر فرار ہوئے ۔ بینک مینجر اپنی گاڑی میں بیٹھ کر بینک جانے لگیں تو موٹر سائیکل سوار ڈاکو آگئے۔ اور گن پوائنٹ پرگولڈ جیولری ، نقدی ، بینک کی چابیاں چھین لیں ۔
اسی دوران اہل علاقہ نے لوٹ مار ہوتے دیکھی تو چھت سے اینٹیں برسانی شروع کر دیں۔ ڈاکوؤں نے بچنے کے لیے فائرنگ کی اور گھبرا کر فرار ہو گئے ۔
پولیس حکام کے مطابق ڈاکوؤں کی فائرنگ سے کوئی جانی نقصان نہیں ہوا۔پولیس نے قانونی کارروائی کا آغاز کر دیا ہے۔