ویب ڈیسک: بیرونِ ملک سے آئے ہوے حجاج کی واپسی کا سلسلہ شروع ہو گیا ہے ۔
تفصیلات کے مطابق بیرون ملک سے آئے7 لاکھ سے زائد حجاج فریضہ حج ادا کرکے اپنے اپنے وطن واپس پہنچ گئے ہیں جبکہ ایک لاکھ حجاج کرام کی روانگی آج رات مکمل ہوجائے گی۔ماہ ذی الحج کے آخری جمعے میں مسجد الحرام و مسجد نبویﷺ میں دو لاکھ افراد کی شرکت متوقع ہے۔
ہفتے کے روز سے نیا ہجری سال شروع ہوگا۔ نئے ہجری سال کے آغاز پر ہفتے کے روز غلاف کعبہ کی تبدیلی ہوگی۔سعودی حکام کا کہنا ہے کہ غلاف کعبہ کی تبدیلی کی تیاریاں مکمل ہیں، اس کارخیر میں 200 سے زائد ماہرین وکارکنان حصہ لیں گے۔