(سٹی42) دورہ نیدرلینڈز کے لیے قومی کرکٹ ٹیم کا اعلان آئندہ ہفتے کیا جائے گا.
ذرائع کے مطابق روٹرڈم روانگی سے قبل قومی کرکٹ ٹیم کا لاہور میں تربیتی کیمپ لگایا جائے گا ، یہ کیمپ 6 دنوں پر مشتمل ہو گا، جو 6 اگست سے لے کر 11 اگست تک ہوگا۔
تمام کھلاڑی کیمپ لگنے سے ایک دن پہلے 5 اگست کو نیشنل ہائی پرفارمنس سینٹر لاہور میں اکھٹے ہو جائیں گے، کیمپ میں طلب کردہ کھلاڑیوں کو قذافی اسٹیڈیم لاہور اور این ایچ پی سی میں سپیشل ٹریننگ دی جائے گی، اسکواڈ 11 اور 12 اگست کی شب سے لاہور سے نیدرلینڈز روانہ ہوگا ۔
یاد رہے کہ پاکستان اور نیدرلینڈز کے مابین تین ون ڈے انٹرنیشنل میچز کی سیریز 16 اگست کو روٹرڈم میں شروع ہوگی۔