ویب ڈیسک : پاکستان کی خوبرو اداکارہ سجل علی نے جمائما گولڈ اسمتھ کی فلم سے اپنی پہلی جھلک سوشل میڈیا پر شیئر کردی۔
اداکاارہ سجل علی نے ’واٹس لَو گاٹ ٹو ڈو وتھ اِٹ‘ فلم سے لی گئیں چند تصاویر اپنے سوشل میڈیااکاؤنٹ پر شیئر کرتے ہوئے خوشی کا اظہار کیا ، سجل علی نے تصویر کے کیپشن میں لکھا کہ میں فلم ’واٹس لَو گاٹ ٹو ڈو وتھ اِٹ‘ میں اپنی پہلی جھلک شیئر کرتے ہوئے بہت خوش ہوں۔
اداکارہ سجل علی نے اپنے مداحوں کو مخاطب کرتے ہوئے کہا کہ یہ بہت دلچسپ خبر ہے کہ ٹورنٹو انٹرنیشنل فلم فیسٹیول 10 ستمبر کو اپنے ورلڈ پریمیئر میں اس فلم کی میزبانی کرے گا۔
دوسری جانب جمائما گولڈ اسمتھ کی جانب سے اپنے سوشل میڈیا اکاؤنٹس پر بھی فلم سے لی گئی تصویریں شیئر کی گئی ہیں۔
واضح رہے کہ فلم واٹس لَو گاٹ ٹو ڈو وتھ اِٹ 27 جنوری 2023 کو برطانیہ کے سینما گھروں میں ریلیز کی جائے گی جبکہ دنیا بھر میں اس فلم کی ریلیز کی تاریخوں کا اعلان جَلد متوقع ہے۔