(مانیٹرنگ ڈیسک) بھارتی ایئر فورس کا لڑاکا طیارہ ‘MiG-21 Bison’ راجستھان میں گر کر تباہ ہو گیا ہے جبکہ طیارے کے اندر موجود 2 پائلٹ ہلاک ہوگئے ہیں۔
بھارتی ریاست راجستھان کے ایک مقامی سرکاری افسر نے میڈیا کو بتایا ہے کہ بھارتی ریاست راجستھان کے ضلعے بارمر کے ایک گاؤں میں بھارتی ایئر فورس کا لڑاکا طیارہ گر کر تباہ ہو گیا ہے۔
بھارتی میڈیا کے مطابق لڑاکا طیارے کے گر کر تباہ ہونے کی خبر سامنے آنے کے بعد وزیر دفاع راج ناتھ سنگھ نے بھارتی ایئرفورس چیف وی آر چوہدری سے رابطہ کیا ہے جنہوں نے وزیر دفاع کو واقعے کی تفصیلات سے آ گاہ کیا ہے۔
#Rajasthan | A MiG-21 fighter aircraft of the Indian Air Force crashed near Barmer district. pic.twitter.com/kdFBMho8R1
— The Times Of India (@timesofindia) July 28, 2022
بھارتی میڈیا کے مطابق تاحال لڑاکا طیارے کے ساتھ پیش آنے والے واقعے کی تفصیلات یا اسباب سامنے نہیں آ سکے ہیں.