ڈیفنس (زین مدنی)فلم و ٹی وی کی خوبصورت اداکارہ عائشہ عمر نے کہا ہے کہ زندگی میں بے شمار کردار نبھائے مگر اب بھی کسی ایسے کردار کی تلاش ہے جو امر ہوجائے۔
گزشتہ روز میڈیا سے خصوصی بات چیت میں عائشہ عمر نے کہا کہ منافق لوگوں سے نفرت ہے سچ بولنا اور سننا اچھا لگتا ہے۔ انہوں نے کہا کہ دوسرے شعبوں کی طرح شوبز میں بھی منافقت ہے۔ عائشہ عمر نے نے کہا کہ اپنی شوبز کی زندگی میں بے شمار کردار نبھائے ہیں مگر کسی ایسے کردار کی تلاش میں ہوں جو امر ہوجائے اور لوگ ہمیشہ اسے یاد رکھیں۔
ایک سوال کے جواب میں عائشہ عمر نے کہا کہ انہیں تین فلمی پراجیکٹس کی آفر ہورہی ہیں لیکن کورونا وائرس کے اختتام تک وہ کسی فلم پراجیکٹ کو سائن نہیں کریں گی اللہ سے دعا ہے کہ یہ بیماری جلد از جلد ختم ہوجائے اور زندگی بحال ہوجائے پھر کوئی بھی فلمی پراجیکٹ ملا تو ضرور کروں گی۔