سٹی42: جنوبی سوڈان میں طمسافر طیارہ گر کر تباہ ہو گیا، اس حادثہ میں بیس افراد کے ہلاک ہونے کا خدشہ ہے۔
یونٹی سٹیٹ کے وزیر اطلاعات نے بتایا کہ جنوبی سوڈان کے شمال میں ایک طیارے کے حادثے میں 20 افراد ہلاک ہو گئے ہیں۔
یہ طیارہ بدھ کو جنوبی سوڈان کے دارالحکومت جوبا کے لیے ٹیک آف کرنے کے فوراً بعد صبح 10:30 بجے (08:30 GMT) یونٹی سٹیٹ میں آئل فیلڈز کے قریب گرا۔
“طیارہ ہوائی اڈے سے 500 میٹر کے فاصلے پر گر کر تباہ ہوا۔ اس چھوٹے مسافر جہاز میں 21 افراد سوار تھے۔ ابھی تک، صرف ایک زندہ بچ گیا ہے،"
وزیر نے اے ایف پی نیوز ایجنسی کو بتایا کہ زندہ بچ جانے والا، ایک جنوبی سوڈانی انجینئر ہےجو آئل فیلڈ میں کام کر رہا تھا، اس کو بینٹیو سٹیٹ ہسپتال لے جایا گیا۔
انہوں نے مزید کہا کہ یہ طیارہ گریٹر پاینیر آپریٹنگ کمپنی (GPOC) کی طرف سے چارٹرڈ اور لائٹ ایئر سروسز ایوی ایشن کمپنی کے ذریعے چلایا جاتا ہے، حادثہ کا شکار ہونے والی فلائٹ کے دوران یہ طیارہ علاقے میں معمول کے مشن پر تھا۔
قبل ازیں اقوام متحدہ کے ریڈیو میرایا نے اطلاع دی تھی کہ ہلاک ہونے والوں میں پائلٹ اور کو پائلٹ بھی شامل ہیں۔