قیصر کھوکھر : لاہور جم خانہ کلب کے سالانہ الیکشن کیلئے انتخابی مہم میں تیزی آ گئی،سلمان صدیق کا دعویٰ ہے کہ پورا جم خانہ کلب میرے ساتھ ہے۔

لاہور جم خانہ کلب کے سالانہ الیکشن کیلئےدونوں پینلز کی انتخابی مہم میں تیزی آ گئی ہے ،سلمان صدیق پینل کے صدارتی امیدوار سلمان صدیق نے سٹی 42 سےگفتگو میں کہا کہ پورا جم خانہ کلب میرے ساتھ ہے، یہ فرینڈلی الیکشن ہے ،اس میں سارے امیدوار ایک دوسرے کے دوست ہیں۔ سلمان صدیق نے کہا کہ جیت میرے پینل کی ہی ہوگی،مجھے بیوروکریٹس اور بزنس کیمونٹی دونوں ممبران کی بھرپور حمایت حاصل ہے۔دوسری جانب ڈاکٹر علی رزاق پینل کی رابطہ مہم بھی جاری ہے، اور ڈاکٹر علی رزاق پینل اپنی جیت یقینی ہونے کا دعویٰ کررہا ہے۔