سٹی42: قومی اسمبلی میں سپیکر کے انتخاب سے ایک دن پہلے عوامی نیشنل پارٹی کے سربراہ اسفند یار ولی خان نے اعلان کر دیا کہ اے این پی کے ارکان پارلیمنٹ میں نہ حکومت کا حصہ بنیں گے نہ اپوزیشن کا، کسی اسمبلی، سینیٹ میں انتخابی عمل کا  بھی حصہ نہیں ہوں گے۔ 

اسفند یار ولی خان نے کہا ہے کہ ہمارا قف ہے کہ مینڈیٹ چوری کرنے والوں سے مینڈیٹ واپس لے کر حق داروں کو دیا جائے۔  اے این پی سویلین بالادستی، جمہوریت اور پارلیمان کی مضبوطی چاہتی ہے۔ موجودہ حالات میں صوبائی اسمبلیوں اور سینیٹ میں کسی کو  ووٹ دینے کے حق میں نہیں ہیں۔

اسفندیار ولی خان نے کہا کہ اکثریتی جماعتوں نے عہدوں کی پیشکش کی، اے این پی اقتدار یا سیٹوں کی سیاست نہیں کرتی،  اے این پی کا اصولی مؤقف ہے پہلے مینڈیٹ چوروں سے مینڈیٹ لے کر حقیقی نمائندوں کو دیا جائے۔پارٹی کارکنوں کے ساتھ مشاورت سے پارلیمان کے اندر کردار کے حوالے سے مزید فیصلے بعد میں کیے جائیں گے۔