ویب ڈیسک : صدر مملکت آصف علی زرداری نے عظیم بزرگ حضرت لعل شہباز قلندرؒ کے مزار پر حاضری دی، آصف علی زرداری نے مزار پر فاتح خوانی کی اور ملکی سلامتی و خوشحالی کے لیے خصوصی دعائیں مانگیں ۔
آصف علی زرداری نے مزار لعل شہباز قلندرؒ پر قرآن پاک کی تلاوت بھی کی۔ وزیر اوقاف سندھ ریاض شاہ شیرازی نے مزار لعل شہباز قلندرؒ آمد پر صدر مملکت کو سندھی ٹوپی اور اجرک کا تحفہ پیش کیا، صدر مملکت کو لعل شہباز قلندرؒ کے مزار پر جاری ترقیاتی منصوبوں پر بریفنگ بھی دی گئی۔
صدر مملکت نے کہا کہ حضرت لعل شہباز قلندرؒ کا مزار پیار، محبت اور امن کا درس دیتا ہے، مزار لعل شہباز قلندرؒ پر حاضری دے کر دلی سکون ملتا ہے۔
وزیراعلیٰ سندھ سید مرادعلی شاھ، صوبائی وزرا علی حسن زرداری، ریاض حسین شاہ شیرازی اور ملک اسد سکندر بھی ان کے ہمراہ موجود تھے۔