اسرار خان : شہر لاہور میں ٹریفک حادثات کا سلسلہ تھم نہ سکا،گزشتہ 24 گھنٹوں میں مختلف علاقوں میں 204 ٹریفک حادثات رپورٹ ہوئے ہیں۔
ریسکیو حکام کے مطابق شہر لاہور میں گزشتہ 24 گھنٹوں کے دوران مختلف علاقوں میں 204 ٹریفک حادثات رپورٹ ہوئے ہیں۔ حادثات کی زد میں آکر مجموعی طور پر 200 افراد زخمی ہوئے، 71 شدید زخمیوں کو مقامی ہسپتالوں میں منتقل کیا گیا جبکہ 129 معمولی زخمیوں کو موقع پر فرسٹ ایڈ فراہم کی گئی۔
دوسری جانب ریسکیو حکام نے بتایا کہ حادثات تیز رفتاری اور ٹریفک قوانین کی خلاف ورزی کے باعث پیش آئےہیں۔