سٹی42: کروڑوں فینز کے محبوب شہرہ آفاق کرکٹر بھی ڈیپ فیک ٹیکنالوجی کی مدد سے بنائی گئی جعلی ویڈیو بننے کے سبب بدنام ہو گئے۔ کرکٹر کی ڈیپ فیک ویڈیو سوشل میڈیا پر وائرل ہو گئی۔
کرکٹر ویرات کوہلی کی آرٹیفیشل انٹیلی جنس کی مدد سے بنائی گئی ڈیپ فیک ویڈیو سوشل میڈیا پر وائرل ہو نے کے بعد نیوز چینلز کو بھی اس مین دلچسپی لینا پڑ گیا۔
بھارت کے میڈیا میں آنے والی رپورٹس کے مطابق ویرات کوہلی کی ڈیپ فیک ٹیکنالوجی کی مدد سے ایک فیک ویڈیو فیبریکیٹ کی گئی ہے جس میں وہ اپنے ساتھی کرکٹر شبمن گل کو تنقید کا نشانہ بناتے ہوئے اور ان کی صلاحیت پر سوال اٹھاتے دکھائی دے رہے ہیں۔
ویرات کوہلی اس فیک ویڈیو میں کہہتے دکھائی دے رہے ہیں کہ میں شبمن گل کو کافی قریب سے دیکھ رہا ہوں، وہ باصلاحیت ہے، اس میں کوئی شک نہیں، لیکن اچھا کرکٹر بننے اور لیجنڈ بننے میں بہت بڑا فرق ہوتا ہے۔ اس ڈیپ فیک ویڈیو میں ویرات کو اپنی تعریف کرتے ہوئے بھی دکھایا گیا ہے۔ حقیقت کیا ہے؛ ویرات کوہلی نے اپنے ساتھی کرکٹر کے متعلق ایسا کچھ نہین کہا تھا۔
اس فیک ویڈیو مین کوہلی کو یہ بھی کہتے دکھایا گیا کہ "لوگ کہتے ہیں کہ وہ (شبمن گِل)اگلا کوہلی ہے، میں یہ واضح کردوں کہ دنیا میں صرف ایک ہی ویرات کوہلی ہے، میں نے مشکل ترین بولرز کا سامنا کیا ہے، انتہائی مشکل حالات میں پرفارمنس دی ہیں اور میں ایک دہائی سے زیادہ عرصے سے یہ کر رہا ہوں۔"
ویرات کوہلی کی یہ فیک ویڈیو 27 اگست کو ایکس پر شیئر کی گئی تھی، جسے اب تک اس پلیٹ فارم پر 3 لاکھ سے زائد بار دیکھا جا چکا ہے۔
جیسے ہی یہ ویڈیو سوشل میڈیا پر وائرل ہوئی تو کوہلی کے فینز میں سے سمجھ بوجھ رکھنے والے یوزرز نے اسے فوراً ہی ڈیپ فیک قرار دے دیا اور آرٹیفیشل انٹیلی جنس ٹیکنالوجی کے حوالے سے خدشات کا اظہار کیا کہ یہ بہت خطرناک ہے۔
ایک یوزر نے لکھا کہ ویرات کوہلی کو لوگ چاہے کتنا ہی مغرور کہیں لیکن وہ ایسا کبھی نہیں بولیں گے۔
ڈیپ فیک ٹیکنالوجی کو سائبر حملوں کے لیے بہت زیادہ استعمال کیا جارہا ہے اور اب یہ حقیقی دنیا کے لیے خطرہ بنتی جارہی ہے۔