روزینہ علی: اسلام آباد سمیت ملک کے مختلف شہروں میں زلزلے کے شدید جھٹکے محصوس کیے گئے ہیں۔

تفصیلات کے مطابق شہر اقتدار، خیبرپختونخوا اور آزاد کشمیر کے مختلف علاقوں میں زلزلے کے شدید جھٹکے محسوس کیے گئے، زلزلے کے جھٹکوں کے باعث لوگوں میں خوف وہراس پھیل گیا۔زلزلہ پیما مرکز کے مطابق ریکٹر سکیل پر زلزلے کی  5.4 شدت ریکارڈ کی گئی، زلزلے کی زیر زمین گہرائی 97کلومیٹر جبکہ اس کا مرکز افغانستان تاجکستان کا بارڈر تھا۔

ملاکنڈ، چارسدہ، صوابی، اپردیر، ایبٹ آباد، سانگلہ ہل میں زلزلے کے جھٹکے حسوس کیے گئے، وادی نیلم، اٹھمقام سمیت کیرن، اپرنیلم میں بھی زلزلے کے جھٹکے محسوس کیے گئے۔

زلزلے کے جھٹکے پنجاب کے شہروں خوشاب ، سرگودھا کی تحصیل ساہیوال اور گردونواح میں زلزلے کے جھٹکے محسوس کیے گئے، لوگ کلمہ طیبہ کا ورد کرتے ہوئے گھروں سے باہر نکل آئے۔ زلزلے سے ابھی تک کسی جانی یا مالی نقصان کی اطلاع نہیں ملی۔