(ویب ڈیسک) سوشل میڈیا پر آئے مختلف قسم کی ویڈیو وائرل ہوتی رہتی ہیں جن میں سے بعض ویڈیوز حیرت میں مبتلا کر دیتی ہیں۔
ایسی ہی ایک ویڈیو سوشل میڈیا کی فوٹو اور ویڈیو شیئرنگ ایپ انسٹاگرام پر وائرل ہوئی ہے جس میں تین افراد ایک جنگل میں بڑے درخت کو کاٹ رہے ہیں لیکن جیسے ہی درخت کٹا تو ایک شخص کے ساتھ حادثہ ہوتے ہوتے بچا۔
زیر نظر ویڈیو میں دیکھا جا سکتا ہے کہ تین افراد ایک بڑا درخت کاٹ رہے ہیں جب درخت کٹنے کے قریب ہوتا ہے تو ان میں سے ایک شخص اسے مخالف سمت میں گرانے کیلیے تنے کو دھکا دیتا ہے لیکن درخت دوسری طرف گرتے ہوئے اچانک ان کی سمت آتا ہے اور ایک شخص کی ٹانگوں کے درمیان سے گزرتے ہوئے اسے تیزی سے ہوا میں اچھال دیتا ہے۔
View this post on Instagram
غیر متوقع طور پر رونما ہونے والے اچانک اس حادثے سے سب سے اوسان خطا ہوجاتے ہیں اور باقی دو دوسری طرف بھاگنے لگتے ہیں جب کہ حادثے کا شکار ہونے والا شخص فضا میں اچھلنے کے بعد زمین پر آ گرتا ہے، البتہ ان تینوں میں سے کسی کو سنگین نوعیت کی چوٹ نہیں آئی کیونکہ یہ درخت ان پر بھی گرسکتا تھا۔