ملک اشرف: لاہور ہائیکورٹ میں محکمہ بلدیات کے 400 سے زائد ملازمین کو تنخواہوں کی ادائیگی نہ کرنے کے حوالے سے کیس کی سماعت، عدالت نے سیکرٹری بلدیات اور چیف افسر سمیت دیگر کو نوٹس جاری کرتے ہوئے جواب طلب کر لیا۔
جسٹس شاہد وحید نے ملازمین اکبر وغیرہ کی درخواستوں پر سماعت کی، درخواست گزاروں نے سیکرٹری بلدیات سمیت دیگر کو فریق بناتے ہوئےموقف اختیار کیا کہ میانوالی محکمہ بلدیات میں کنٹریکٹ پر بھرتی ہوئے۔ 47 ریگولر اور 413 ورک چارج ملازمین کو تنخواہوں کی ادائیگی نہیں کی جارہی، عدالت کے حکم پر دوسال کی ادائیگی کردی گئی جبکہ آٹھ ماہ کی تنخواہیں نہیں دی جا رہیں۔
درخواست گزاروں کی جانب سے استدعا کی گئی کہ عدالت تنخواہوں کے بقایاجات کی ادائیگی کا حکم دے، سرکاری وکیل نے عدالت کو بتایا کہ تنخواہوں کی ادائیگی کے حوالے سے اقدامات کر رہے ہیں۔