ویب ڈیسک: لاہور سمیت پنجاب پولیس کے 25افسران و اہلکار رواں سال معاون خدام الحجاج کی ڈیوٹی سر انجام دیں گے۔
مراسلے کے مطابق 2ڈی ایس پیز ، 3 انسپکٹرز ،5 سب انسپکٹرز، 2 اے ایس آئیز، 2 ہیڈ کانسٹیبلز ، 10کانسٹیبلز اور ایک کارپورل سعودی عرب جائیں گے۔خدام الحجاج ڈیوٹی کے لیے منتخب ہونے والے افسران و اہلکاروں کو 30اپریل کو ڈیوٹیوں سے ریلیو کرنے کا حکم دیا گیا ہے۔
مراسلے کے مطابق سعودی عرب جانے والے افسران و اہلکار یکم مئی کو اسلام آباد میں حاجی کیمپ میں رپورٹ کریں گے۔
واضح رہے کہ ڈی آئی جی اسٹیبلشمنٹ ون پنجاب نےقرعہ اندازی کےبعد مراسلہ جاری کر دیا ہے۔