سٹی42: اسرائیل کی فوج کا کہنا ہے کہ کل جمعہ کے روز بیروت میں حزب اللہ کے ہیڈکوارٹرز پر حملے میں حسن نصراللہ کے ساتھ، حزب اللہ کےجنوبی محاذ کے کمانڈر علی کرکی اور کئی دیگر کمانڈروں ک ے بھی مارے جانے کی اطلاع ہے۔ اطلاعات کے مطابق حسن نصراللہ کے ساتھ 25 افراد کے شہید ہونے کی تصدیق ہوئی ہے۔
اسرائیلی ذرائع کا کہنا ہے کہ ان مرنے والوں میں سے بیشتر حزب اللہ کی ٹاپ براس میں شامل تھے جو اہم اجلاس کے لئے زیر زمین ہیڈ کوارٹرز مین موجود تھے۔
فوج کا کہنا ہے کہ "حملہ اس وقت کیا گیا جب حزب اللہ کے اعلیٰ افسران اپنے ہیڈ کوارٹر میں تھے اور اسرائیل کے شہریوں کے خلاف سرگرمیوں کے متعلق منصوبہ بندی کرنے میں مصروف تھے۔"