زین مدنی : سابق وزیر اعلیٰ پنجاب حمزہ شہباز سے فلمسٹار ممتاز بیگم کی ماڈل ٹاؤن سیکرٹریٹ میں ملاقات ہوئی ۔
ممتاز بیگم اور ذیشان راحیل باری نے حمزہ شہباز کو گلدستہ پیش کیا ۔ملاقات میں سینئر اداکار طاہر انجم اور سابق صوبائی وزیر خواجہ عمران نذیر بھی موجود تھے ۔حمزہ شہباز کا کہنا تھا کہ ممتاز بیگم کو پاکستان میں ویلکم کہتے ہیں۔ ممتاز بیگم کی پاکستان فلم انڈسٹری کے لئے بڑی خدمات ہیں۔
ممتاز بیگم نے حمزہ شہباز سے گفتگو کرتے ہوئے کہا کہ کینیڈا گئی تھی تو لاہور کھنڈر تھا،آج جدید لاہور ہے۔دعا ہے مسلم لیگ ن دوبارہ اقتدار میں آکر ملک کی خدمت کرے۔ آپ سے مل کر بےحد خوشی ہوئی،شہباز شریف صاحب کی مداح ہوں۔طاہر انجم کا شکریہ ادا کرتی ہوں آپ سے ملاقات کرادی۔